حزين ........ لاتكلمني !!!!!

السلام عليكم ورحمه الله وبركاته..

اليوم حبيت الكلام معاكم يكون بعيد عن الجمال الظاهري..

وبعيد عن  الازياء والكشخه..

اليوم رح أكلمكم عن موضوع مختلف تماما..

رح نتكلم عن الشعور السئ اللي يصيب الانسان احيانا

الحزن او الهم او التعاسه..

اللي تخلي مزاجك مقلوب وأفكارك مشتته ..

ودايما عبوسا قمطريرا..

حابه أقول لكل إنسان مهموم وشايل الدنيا على راسه ..

ترى هالدنيا بكبرها ماتسوى والله شي ..

دامك مافقدت غالي عليك 
ترى هالدموع مالها داعي..

دامك ما أنحرمت من شخص وجوده بحياتك مهم لك 
ترى ماله داعي الضيقه والهم..

إذا مافرق الموت بينك وبين حبيب
ترى الحسره والحزن مالها داعي..

كل هم وحزن وضيقه ودموع مالها داعي 
دامنا مافقدنا احد وخذاه الموت من بيننا..

دامك مؤمن وقلبك معلق بالله ليش الضيقه..

ليش تخلي حياتك ومعيشتك ضنكا..

إجعل حب الله والتعلق به يدخل داخل قلبك..

تذكر ربك في قمه حزنك وإجعل همك لانك مقصر في حقه ..

أترك عنك الاسباب الواهيه اللي يصورها لك الشيطان..

إنك وحيد ولاأحد حاس فيك وإنت مفروض مو بهالمكان..

أترك الشيطان جانبا واسعى الى مغفره من الله وفضلا..

رح تنسى همومك وتنور حياتك بنور لاينطفئ

رح تحس إنك ضيعت من عمرك كثير بين حسرات وهموم..

ورح تحس كل حزن بقرب الله فاني..

مارح يتمكن منك الهم دامك قريب ..

ومارح يكسر قلبك شي من امور الحياه الدنيا

لن يعيدك الى دوامه الضعف والانكسار شئ سوا الضعف

لاتضعف اذا اصابتك مصيبه

لا تنتكس اذا فقدت حبيب

تذكر ان الله جابر القلوب 

بادر بتذكر انا لله وانا اليه راجعون

كثير ممن كان ملتزم وحياته كلها في سلام

ينتكس بعد موت غالي وينقلب راسا على عقب ان مات له حبيب

تذكر ان لله مااعطى ولله مااخذ

لانزكي النفس ولا نقسو عليها

سياخذ الحزن له مكان وسيبقى القلب يتألم كل مامر لهم ذكرى

ولكن بقدر الانكسار الذي يعتريك كنت صامدا..

لا تنهزم ولا تستسلم لابليس..

رطب لسانك بذكر الله وستعود له مجددا..

هالموضوع حبيت اكتبه تذكير لي ولكم..

لنطمئن بحكم الله ولا نجزع..

نوكل أمرنا لله ولا نجعل الهم يعزلنا عن العالم..

....لاتحزن إن الله معنا...
                                         ... تحياتي .. سوسو فاشن ....